Beynəlxalq bazarlarda Brent markalı neftin bir bareli 74,63 dollara satılır.
Ötən gün 75,75 dollara qədər bahalaşan Brent markalı neftin bir barelinin qiyməti günü 75,70 dollarla bağladı.
“Brent” markalı neftin bir barelinin qiyməti bu gün saat 09:35-ə olan bağlanış qiyməti ilə müqayisədə 1,4 faiz azalaraq 74,63 dollar təşkil edib. Eyni zamanda West Texas Intermediate (WTI) markalı xam neftin bir bareli 72,67 dollara satılıb.
Qlobal neft ehtiyatlarının böyük əksəriyyətinin yerləşdiyi Yaxın Şərqdə atəşkəs əldə etmək səyləri nəticəsində neftin qiyməti aşağı düşüb.
ABŞ-ın HƏMAS ilə məhbus mübadiləsi və Qəzza zolağında 60 günlük atəşkəs təklif etməsi ilə bağlı xəbər axını bazar oyunçularının tədarüklə bağlı narahatlıqlarını azaldıb və qiymətlərin enişini dəstəkləyib.
İsrail mətbuatı İsrailin atəşkəs və əsir saxladığı fələstinlilərin azad edilməsi müqabilində HƏMAS-ın əlində olan israilli məhbusları azad etmək üçün ABŞ-ın təklifi üzərində çalışdığını açıqlayıb. HƏMAS-ın ABŞ-ın təklifini qəbul etdiyi iddia edilsə də, İsrail, Həmas və ABŞ hələlik məsələ ilə bağlı açıqlama verməyib.
