Ukrayna Rusiyanın iyunun 17-də gecə hücumu ilə bağlı BMT Təhlükəsizlik Şurasının təcili iclasının çağırılması ilə bağlı sorğu göndərib.
Bu barədə Ukraynanın BMT-dəki daimi nümayəndəsi Andrey Melnik “Ukrinform”a bildirib.
“Mən indicə BMT Təhlükəsizlik Şurasının prezidentinə Ukraynada mülki şəxslərə qarşı Rusiyanın raket terrorunun güclənməsi ilə əlaqədar Təhlükəsizlik Şurasının iclasının tez bir zamanda çağırılması xahişi ilə məktub imzaladım”, - Melnik bildirib.
Ukraynanın BMT-dəki daimi nümayəndəsi qeyd edib ki, təkcə bu gecə Rusiyanın kütləvi hücumu çoxlu Kiyev sakininin həyatına son qoyub, yüzdən çox insan yaralanıb, yaşayış binaları tamamilə dağılıb.
"Biz təkcə Moskva rejiminin hər gün və hər gecə mülki əhaliyə qarşı törətdiyi hərbi cinayətlərlə məşğul olmuruq. Bunlar bəşəriyyətə qarşı cinayətlərdir ki, nəinki qınaq, həm də beynəlxalq ictimaiyyətdən, ilk növbədə, BMT Təhlükəsizlik Şurasından qətiyyətli cavab və əməli tədbirlər tələb olunur", - o vurğulayıb.
Melnik əlavə edib ki, çərşənbə axşamı BMT Nizamnaməsinə uyğun olaraq gələcək addımları ətraflı müzakirə etmək üçün Təhlükəsizlik Şurasının sədri, Qayananın BMT-dəki səfiri Karolin Rodriges-Birkett ilə görüş keçirəcək.
Əziz Mustafa, Oxuməni.az
