BAKI. 17 iyun. TELEQRAF
Formula 1 üzrə Kanada Qran Prisi daha 4 il uzadılıb.
Teleqraf yarışın rəsmi saytına istinadən xəbər verir ki, Jil Vilnöv adına avtodromda təşkil olunan Qran Pri 2035-ci ilədək davam edəcək.
Bu, Avropadan kənarda Formula 1-in ən uzun tarixə malik mərhələsi sayılır. 1967-ci ildə debüt edən Kanada Qran Prisi ötən həftəsonu 54-cü dəfə keçirilib.
Monreal trasında indiyədək ən çox qələbəni hərəyə 7 dəfə Lüis Hemilton və Mixael Şumaxer qazanıb.
