BAKI, TurkicWorld
Zafər Partiyasının sədri Ümit Özdağ haqqında “xalqı kin və düşmənçiliyə açıq şəkildə təhrik etmək” ittihamı ilə 148 gün əvvəl başlanan həbsi başa çatıb.
TurkicWorld xəbər verir ki, İstanbul 18-ci Asliye Cinayət Məhkəməsi tərəfindən onun sərbəst buraxılmasına qərar verilib.
Özdağ bu gün “zəncirvari şəkildə kütləvi informasiya vasitələri ilə xalqı düşmənçiliyə təhrik etmə” ittihamı ilə ikinci dəfə hakim qarşısına çıxarılıb. Onun 7 il 10 ayadək azadlıqdan məhrum edilməsi istənilirdi.
Məhkəmə prosesi, Çağlayan Ədliyyəsindəki zalın tutumu yetərsiz olduğu üçün Silivri Həbsxanası 2 nömrəli məhkəmə zalında keçirilib.
Məhkəmənin çıxardığı qərara əsasən, Ümit Özdağ heç bir məhdudlaşdırıcı tədbiq edilmədən azadlığa buraxılıb.
