ABŞ prezidenti Donald Tramp iyunun 16-da Kanadada keçiriləcək G7 sammiti ərəfəsində Rusiyanın G8-dən kənarlaşdırılmasının səhv olduğunu qeyd edib.
"Bir zamanlar G7 G8 olanda, [ ABŞ-nin keçmiş prezidenti ] Barak Obama və [Kanadanın keçmiş baş naziri Castin] Trüdo adlı bir adam Rusiyanın bura daxil olmasını istəmirdi. Mən deyərdim ki, bu, səhv idi, çünki Rusiya G8-də olsaydı, indi münaqişə olmazdı", - deyə Tramp qeyd edib.
Hazırda G7-yə Böyük Britaniya, Almaniya, İtaliya, Kanada, ABŞ, Fransa və Yaponiya daxildir. Rusiya 1997-ci ildən 17 il beynəlxalq klubun üzvü olub.2014-cü ildə Qərb ölkələri G8 formatında fəaliyyətini dayandırıb və G7 formatına qayıdıblar.
