PSJ "Yuventus"un hücumçusu Duşan Vlahoviçi transfer etmək niyyətindədir.
Publika.az xəbər verir ki, bu barədə "Caught Offside" məlumat yayıb.
Mənbənin yazdığına görə, Fransa klubu serbiyalı forvardı 2025-ci ilin əvvəlindən izləməyə başlayıb. O vaxtdan bəri oyunçunun mümkün transfer dəyəri azalıb və yayda keçid daha real görünür.
Vlahoviçə "Arsenal" və "Mançester Yunayted" də maraq göstərir.
2024/25 mövsümündə Vlahoviç "Yuventus"un heyətində 41 oyuna çıxaraq 15 qol vurub və 5 məhsuldar ötürmə edib. Onun klubla müqaviləsi 2026-cı ilin yayına qədər qüvvədədir. Transfermarkt portalı futbolçunun transfer dəyərini 45 milyon avro olaraq qiymətləndirir.
