Reuters: "Neftin qiyməti qeyri-sabit qalmaqdadır"

"Reuters" xəbər agentliyiyazırki, "Brent" markalı neftin bir barelinin dəyəri 64 sent artaraq (0,86%) 74,87 dollara çatıb. "West Texas Intermediate" markalı neftin barel dəyəri isə 76 sent artmaqla (1,04%) 73,74 dollarda qərarlaşıb. Ötən cümə günü hər iki növ neft birdən-birə 4 dollardan çox (7%) bahalaşmışdısa da, tezliklə yenidən nisbətən ucuzlaşıb. Bahalaşmada ən yüksək göstərici 13% idi ki, bu, yanvar ayından bəri ən yüksək səviyyədir.

Haneqbi:"İranın hələ də minlərlə raketi var"

Xatırladaq ki, iyunun 13-dən etibarən İsrail və İran arasında qarşılıqlı raket hücumlarına əsaslanan gərgin münaqişə başlayıb. İran gecə saatlarında İsrailin Tel-Əviv və Heyfa şəhərlərini vurub. Hər iki ölkədə ciddi sayda mülki əhali itkisi qeydə alınır. Hadisələr dəniz nəqliyyatında strateji mövqe sayılan Hörmüz boğazını da təhlükəli nöqtəyə çevirib. Dünyanın ümumi neft ticarətinin təqribən beşdə biri (gün ərzində 18-19 milyon barel) məhz bu boğazdan keçir.

Firudin Həmidli
AzVision.az