“Rəqib Azərbaycanın ən güclü komandasıdır, sadəcə, şans bizim tərəfdə oldu”.
Sportinfo.az xəbər verir ki, bunu “Sabah”ın futbolçusu Rəhman Daşdəmirov Azərbaycan Kubokunun finalında “Qarabağ”ı 3:2 hesabı ilə məğlub etdikləri oyun barədə danışarkən deyib.
25 yaşlı müdafiəçi Avropa Liqasına vəsiqə qazandıqları üçün sevincli olduqlarını söyləyib:
“Oyun çox ağır keçdi. Bacardığımızı etdik.
Sonuncu dəqiqələrdə Tellur Mütəllimovun vurduğu qolla oyunu bitirdik. Sevinirik ki, kuboku qazandıq”.
