BAKI, 15 iyun. TELEQRAF
ABŞ-yə məxsus biznes müəssisələrinə və amerikalıların tez-tez getdiyi yerlərə qarşı hücum təhlükəsi artıb.
Teleqraf xəbər verir ki, bu barədə ABŞ-nin İraqdakı səfirliyi məlumat yayıb.
"Biz İraqdakı bütün ABŞ vətəndaşlarını əcnəbilərin tez-tez getdiyi yerlərdən və hər hansı böyük izdihamlardan uzaq durmağa çağırırıq", - bəyanatda deyilir.
Xatırladaq ki, ABŞ-nin İraqdakı səfirliyi İsrailin İrana qarşı hücumunu ərəfəsində əməkdaşlarının bir qismini təxliyə etmişdi.
