Son 48 saatda (İsrailin 13 iyunda hücumundan bəri – red.) İran sərhəd qüvvələri İsrailə məxsus 44 pilotsuz təyyarə və pilotsuz uçuş aparatını vurub.
Axar.az xəbər verir ki, bu sözləri İranın Fərəc Sərhəd Mühafizəsinin komandiri briqada generalı Əhməd-Əli Qudərzi deyib.
“Son 48 saat ərzində hava məkanımızı işğal etməyə cəhd edən qəsbkar sionist rejimin 44 pilotsuz təyyarəsi və mikro PUA Fərəcin sayıq sərhədçiləri tərəfindən izlənilib və məhv edilib”, - o bildirib.
Qudarzi vurğulayıb ki, İranın sərhəd qüvvələri tam kəşfiyyat nəzarəti həyata keçirir və ölkənin təhlükəsizliyi və suverenliyinin təmin edilməsində qətiyyətlidir.
