BAKI, 15 iyun. TELEQRAF
ABŞ Prezidenti Donald Tramp və xanımı Melaniya Vaşinqtonda keçirilən hərbi paradda olublar.
Teleqraf “NBC News” telekanalına istinadən xəbər verir ki, dövlət başçısı və ABŞ-nin birinci xanımı Konstitusiya prospektindəki müşahidə meydançasına gəliblər.
Parad ABŞ ordusunun yaradılmasının 250 illiyinə və Trampın 79-cu doğum gününə təsadüf edib.
“Reuters” agentliyinin məlumatına görə, Vaşinqtonda keçirilən hərbi parad Amerika büdcəsinə 25-45 milyon dollara başa gələcək.
Agentlik qeyd edir ki, xərclərə texnika keçdikdən sonra yol təmiri daxil deyil.
Tədbirdə 6600 hərbçinin, 50 təyyarənin və 150 yerüstü texnikanın iştirak edəcəyi gözlənilir.
