İran yaxın zamanda planlaşdırdığı hücumlar zamanı İsrail ərazisinə təxminən 2000 raket buraxmağı planlaşdırır.
Bizim.Media xəbər verir ki, bu barədə Al Arabiya telekanalı məlumat yayıb.
Məlumata görə, İran hərbçiləri gələcək raket hücumlarının əvvəlkilərlə müqayisədə “20 dəfə daha genişmiqyaslı” olacağını bildiriblər.
Bundan əvvəl “Nour News” agentliyi xəbər vermişdi ki, İranın Arash tipli kamikadze pilotsuz uçuş aparatları İsrail ərazisində bir sıra hədəfləri vurub.
Eyni zamanda, İsrail Müdafiə Ordusu bildirib ki, iyunun 14-nə keçən gecə İsrail Hərbi Hava Qüvvələri Tehranın ətrafında yerləşən onlarca hədəfə, o cümlədən müdafiə sistemlərinə zərbələr endirib.
Bizim.Media
