"İsrailin həyata keçirdiyi hərbi əməliyyatların arxasında əslində Qərb gücləri dayanır".
Milli.Az "haberler"ə istinadən xəbər verir ki, bunu HÜDA PAR sədr müavini və Türkiyə Böyük Millət Məclisinin Qaziantep millət vəkili Şahzadə Demir deyib.
O, İsrailin İranın nüvə proqramına qarşı başladığı "Yüksələn Aslan" əməliyyatının pərdəarxası ilə bağlı sərt açıqlamalar verib.
"Bu hücumun arxasında Qərb var"
Onun sözlərinə görə, İsrailin bu qədər ölkəni qarışdırması, bölgəni xaosa sürükləməsi mümkün deyil:
"İsrailin istifadə etdiyi taktika, hərbi strategiya, silahlar, aviasiya sistemləri, kəşfiyyat şəbəkələri və dəqiq zərbələr - bunların hamısı Qərbin gücü ilə mümkün olur. İranı vuran İsrail deyil, Amerikadır, İngiltərədir və onlara dəstək verən digər qüvvələrdir".
"Bu, İsrailin deyil, Amerikanın strategiyasıdır"
Demir əlavə edib ki, İsrail təkbaşına belə bir hərbi əməliyyatı həyata keçirmək gücündə deyil:
"İsrailin bu qədər ölkəni qarışdırması, bölgəni xaosa sürükləməsi mümkün deyil. Bu, Amerika və müttəfiqlərinin planıdır. Əgər biz bu əməliyyatları İsrailin strategiyası kimi qiymətləndirsək, ciddi yanılgıya düşərik".
"NATO da bu prosesin içindədir"
Demir bölgədəki hərbi və siyasi proseslərə NATO-nun da birbaşa dəstək verdiyini bildirib:
"Amerika və İsrail bu prosesdə birlikdə hərəkət edir. İngiltərə və Fransa da arxa cəbhədə onları dəstəkləyir. NATO güclərinin bu əməliyyatlara ciddi şəkildə qatıldığını görürük".
Demir son olaraq xəbərdarlıq edib ki, bölgədə baş verənləri yalnız İsrailin fəaliyyəti kimi dəyərləndirmək yanlış yanaşmadır və məsələnin qlobal güclərin planı olduğunu düzgün oxumaq lazımdır.
Kənan
Milli.Az
