İsrailin baş naziri Benyamin Netanyahunun İrana qarşı bu səhər başlayan davam edən hücumlarla bağlı vəziyyəti müzakirə etmək üçün bu axşam yüksək səviyyəli təhlükəsizlik rəsmiləri ilə görüşəcəyi bildirilir.
Turkustan.az xəbər verir ki, yerli mətbuatın məlumatına görə, Netanyahu yerli vaxtla saat 18:30-da “vəziyyətin qiymətləndirilməsi toplantısı” keçirəcək.
Bu gün səhər saatlarında İrana qarşı davam edən hücumların müzakirə olunacağı toplantıda müdafiə naziri Yisrael Katz, Baş Qərargah rəisi Eyal Zamir və Mossad direktoru David Barnea da daxil olmaqla yüksək səviyyəli təhlükəsizlik rəsmilərinin iştirak edəcəyi bildirilib.
Digər tərəfdən, yerli mətbuata danışan adı açıqlanmayan İsrail təhlükəsizlik mənbəsi İrana qarşı hücumların davam etdiyini və yeni dalğaların gələcəyini bildirib.
Aytən Yaşar/ Turkustan.az
