Azərbaycanın süd məhsulları istehsalçısı "Milk Pro" MMC ləğv olunduğunu elan edib.
FED.az xəbər verir ki, kreditorlar iki ay ərzində tələblərini Bakı şəhəri, Suraxanı rayonu, Hövsan qəsəbəsi, Hövsan yolu, ev 29, 6-cı km ünvanına bildirə bilərlər.
Qeyd edək ki, “Milk-PRO” MMC ötən il tərkibindən “Xətai Development” MMC və "Azemal" MMC ayrılmaqla yenidən təşkil olunmuşdu.
Şirkət 1991–ci ildə tibbi – bakterioloju süd məhsulları istehsal edən şirkət kimi təsis edilib. Tərkibində 3 süd və 2 meyvə emalı zavodu fəaliyyət göstərir. Şirkət 9 900 manat nizamnamə kapitalına malikdir.
Qanuni təmsilçisi Mustafa Məmmədov Mehman oğludur.
