Axios-un jurnalisti Barak Ravid İsrailin Mossad-ın dünən gecə baş verən əsas İsrail hava hücumundan əvvəl İranın mərkəzində həyata keçirdiyi üç gizli təxribat əməliyyatının bəzi təfərrüatlarını açıqlayıb. “Bu əməliyyatların məqsədi İranın strateji raket bazalarına və hava hücumundan müdafiə sistemlərinə zərər vurmaq olub”, – jurnalist yazıb.
Öz növbəsində Ynet xəbər verir ki, İsrail kəşfiyyatı İran ərazisində hücum pilotsuz təyyarələri üçün baza yaradıb. Bu gecə pilotsuz təyyarələr işə salınaraq Tehran yaxınlığındakı Əsfəqbad bazasında yer-yer tipli raket buraxılış qurğularına hücum edib.

Bundan əlavə, İran ərazisində raketlər və hava hücumundan müdafiə vasitələri gizlədilib, israilli jurnalist Amit Seqal bildirib. Onun sözlərinə görə, raketlər İranın mərkəzində zenit sistemlərinin yaxınlığında yerləşdirilib və bu gecə İsrail Hərbi Hava Qüvvələri nəzarətə götürülməmişdən əvvəl məhv edilib.

İranda nəqliyyat vasitələrinə elektron döyüş sistemləri quraşdırılaraq təyin olunmuş saatda işə salınaraq hava hücumundan müdafiə sisteminə də müdaxilə edilib.

Bundan əvvəl İsrailin zərbə zamanı İranın yüksək rütbəli hərbçilərini və nüvə alimlərini öldürdüyü, həmçinin İranın Natanzdakı nüvə obyektinə xeyli ziyan vurduğu bildirilmişdi.

aia.az
Tərcümə şöbəsi

• Hücum
• Təxribat
• Mossad
• İran