İsrailin İrana qarşı əməliyyatı bir neçə gün davam edə bilər

İsrailin İrana qarşı hərbi əməliyyatı bir neçə gün davam edə bilər.

Poliqon xəbər verir ki, bunu RTL radiostansiyasının efirində İsrailin Fransadakı səfiri Coşua Zarka deyib.

“Bu əməliyyat daha bir neçə gün davam edə bilər, lakin bu, bir neçə ay və ya bir neçə həftəlik əməliyyat deyil”, deyə səfir qeyd edib.

Diplomatın sözlərinə görə, İsrailin hücumları müharibə elanı deyil və zərbələr İranın nüvə proqramı ilə bağlıdır.

Xatırladaq ki, iyunun 13-də İsrail SEPAH-ın Tehrandakı qərargahına və İranın nüvə proqramının əsas obyektlərinə zərbələr endirib. SEPAH komandiri Hüseyn Salami və bir neçə nüvə alimi məhv edilib. İsrailin baş naziri Benyamin Netanyahu hücumun İranın nüvə infrastrukturuna qarşı yönəldiyini təsdiqləyib.

İsrail Müdafiə Qüvvələri (IDF) əməliyyatın bir neçə gün davam edə biləcəyini bildirib. Hərbi mənbələr qeyd ediblər ki, İranın nüvə silahı yaratmaq istəyinin əlamətləri son həftələrdə ortaya çıxıb. Yəhudi dövləti, dedilər, vəziyyəti kritik hesab edərək, hərəkətə keçməyə qərar verdilər.

Poliqon.info