ABŞ prezidenti Donald Tramp deyib ki, o, İsrailin İrandakı hədəflərə endirdiyi zərbələr barədə əvvəlcədən məlumatlıdır.
Reyting.az-ın məlumatına görə, “Fox News”-un siyasi şərhçisinə müsahibə verən Tramp bildirib ki, İsrailin hücumu onu təəccübləndirməyib.
Xatırladaq ki, iyunun 13-nə keçən gecə İsrail Müdafiə Qüvvələri (IDF) İrana qarşı genişmiqyaslı əməliyyata başlayıb. Bu əməliyyatda Hərbi Hava Qüvvələri İranın nüvə proqramının hərbi obyektlərinə zərbələr endirib. İsrail hakimiyyəti bildirib ki, əməliyyat yəhudi dövləti üçün ekzistensial təhlükənin qarşısını almaq məqsədi daşıyır, çünki İsrail ordusu və kəşfiyyatına görə, İran qısa müddət ərzində nüvə silahı yarada bilər.
E. KAMAL
