Ajans.az xəbər verir ki, Tramp razılaşmanın Çin lideri Xi ilə birlikdə təsdiqlənəcəyini və qarşılıqlı ticarət imkanlarının genişlənəcəyini bildirib. Eyni zamanda, Yaxın Şərqdə artan geosiyasi gərginlik neft və qızıl qiymətlərini yüksəldib. ABŞ Dövlət Departamenti Bağdad və digər regionlardan qeyri-vacib personalı geri çəkməyə hazırlaşır. “Brent” nefti 69 dollara yüksəlib, qızıl isə 1 faiz artaraq 3,373 dollara çatıb. ABŞ-də inflyasiya məlumatları gözləntilərdən aşağı çıxıb. CPI illik 2,4 faiz artıb, FED-in isə sentyabrda faiz endiriminə gedəcəyi gözlənilir. Dollar indeksi 98,4-ə enib. Avropa və Asiya bazarlarında qeyri-müəyyənlik davam edir. Avropada indekslər mənfi seyr edib, Asiyada isə qarışıq dinamika müşahidə olunub. Yaponiyada iqtisadi ehtiyatlılıq mesajları verilib, Çin və Koreya indeksləri azalıb. İstanbul Birjasında isə BIST 100 indeksi günü 0,28% artımla başa vurub. Analitiklər 9700-9800 səviyyəsini müqavimət, 9500-9600 səviyyəsini isə dəstək olaraq göstərirlər.
