BAKI, 11 iyun. TELEQRAF
"Bakı Dövlət Universitetinin Hüquqşünaslıq fakültəsini seçmək istəyirəm"
Bunu Teleqraf-a açıqlamasında Qax rayonu 2 saylı şəhər tam orta məktəbinin məzunu Hümmətli Çiçək deyib.
"Buraxılış imtahanından 297.5 bal toplamışam, ümumi nəticəm 697.5-dir. Bakı Dövlət Universitetinin Hüquqşünaslıq fakültəsini seçmək istəyirəm. Bu nəticəni gözləyirdim, ailəm, xüsusilə də anam, məndən bu nəticəni gözləyirdi. İmtahana da bu məqsədlə getmişdim: 400 bal toplamaq.Qax rayonunda hazırlıq kurslarına getmişəm. İki il müddətində ali məktəbə qəbul üçün intensiv hazırlaşmışam. 10-cu sinifdən etibarən ali məktəbə hazırlıq məqsədilə kurslara gedirəm.
9-cu sinifə qədər isə dərslərimi özüm çalışaraq oxumuşam, əlavə hazırlıq almamışam.
