Gürcüstan Xüsusi Təyinatlı Qüvvələrinin rəhbəri, xalq arasında “Xereba” kimi tanınan Zviad Xarazişvili vəzifəsini tərk edib – onun yerinə Roman Kartsivadze təyin edilib.
Publika.az xəbər verir ki, bu barədə “Novosti-Qruziya” ölkənin Daxili İşlər Nazirliyinə istinadla məlumat yayıb.
Daxili İşlər Nazirliyi “Azadlıq” radiosunun Gürcüstan xidmətinə bildirib ki, Xareba istefa verib və bu, “şəxsi qərardır”.
“Novosti-Qruziya”nın qeyd etdiyi kimi, hakim partiya daha əvvəl müxalifət mediasında nümayişçilərə qarşı qəddar hərəkətlərinə görə Qərbin sanksiyaları altında olan Xarazişvilinin istefa verməsi ilə bağlı xəbərləri təkzib etmişdi.
