BAKI, 10 iyun. TELEQRAF
ABŞ Mərkəzi Komandanlığının (CENTCOM) komandanı, general Maykl Erik Kurilla Nümayəndələr Palatasının Silahlı Qüvvələr Komitəsində ifadə verib.
Teleqraf “Haber7”yə istinadən xəbər verir ki, komandan İranla bağlı təəccüblü açıqlaması ilə diqqət mərkəzinə düşüb.
Məlumata görə, Kurilla İrana zərbə vurmaq üçün ABŞ Prezidenti Donald Trampa hücum planlarını təqdim etdiyini bəyan edib.
General bəyan edib ki, nüvə danışıqları nəticəsiz qalacağı təqdirdə İrana zərbə endirməyə hazırdılar: “Mən müdafiə nazirinə və prezidentə geniş seçimlər təqdim etmişəm”.
