Abramoviç futboldan İMTİNA ETDİ

Rusiyalı iş adamı Roman Abramoviç artıq futbol klublarına sahib olmaq fikrində olmadığını bildirib.

Bizim.Media xəbər verir ki, bu barədə "Daily Mail" nəşri məlumat yayıb.

"Nəyisə dəyişə biləcək bir təşəbbüs olsaydı, çətin ailələrdən olan insanlara daha çox imkanlar verərək, akademiyalara və gənclərə kömək edə bilərdim. Amma sahiblik və ya klubda peşəkar rol baxımından bu həyatda bununla kifayətləndim”, - “Daily Mail” Abramoviçin sözlərindən sitat gətirib.

Xatırladaq ki, iş adamı 2003-cü ildə “Çelsi”ni alıb və 2022-ci ilə qədər klubun sahibi olub, ona qarşı tətbiq olunan sanksiyalar səbəbindən satmaq məcburiyyətində qalıb.

2022-ci ilin may ayında “Çelsi” amerikalı investor Todd Bowleynin rəhbərlik etdiyi konsorsiuma 4,25 milyard funta satılıb. Bundan sonra Abramoviçin göstərişi ilə klubun satışından əldə edilən bütün gəlirləri almaq üçün xeyriyyə fondu yaradılıb. Onların bir hissəsinin, yəni 2,5 milyard funt-sterlinqin Ukraynadakı döyüşlərdən zərər çəkənlərə kömək üçün istifadə olunacağı, qalan 1,75 milyard funt-sterlinqin isə “Çelsi”nin inkişafına sərf ediləcəyi güman edilirdi. Lakin artıq 3 ildir ki, tərəflər - Britaniya hökuməti və iş adamı vəsaitlərin bölüşdürülməsi ilə bağlı razılığa gələ bilmirlər. Kompromis əldə etmək mümkün olmadığı üçün Britaniya hakimiyyəti məhkəməyə müraciət etmək niyyətini açıqlayıb. Abramoviç bildirib ki, Britaniya hökumətinin ona qarşı irəli sürdüyü ittihamlar onu yayındırmayacaq.

Bizim.Media