Ajans.az xəbər verir ki, Avstraliyada 2017-ci ildə aşkar edilən 94-101 milyon il əvvəl yaşamış Diamantinasaurus matildae növünə aid Cudi adlı dinozavrın mədəsində müxtəlif bitkilərin fosilləri qorunub saxlanıb. Bu tapıntı uzunluğu 35 metrə çatan sauropodların ot yeyən heyvan olduğunu və yeməklərini çeynəmədən udduğunu sübut edir. Alimlər belə böyük heyvanların bağırsaq bakteriyaları vasitəsilə qidanı həzm etdiyini bildirir. Nəticələr 9 iyun tarixində “Current Biology” jurnalında dərc olunub.
