Sosial şəbəkələrdə uşaqların izlədiyi animasiyalar göründüyü qədər məsum deyil.
Publika.az xəbər verir ki, əslində, bu cür məzmunların arxasında aqressiya, şiddət, dini dəyərlərin inkarı, cinsi mesajlar və istismar kimi təhlükəli altmənalar gizlənə bilər. Təəssüf ki, bir çox valideyn bundan xəbərsizdir.
Bəs görəsən, valideynlər bu təhlükələrin nə dərəcədə fərqindədirlər? Uşaqların qarşılaşdığı risklərdən xəbərdardırlar?
Məsələ ilə bağlı fikirlər müxtəlifdir. Sakinlərdən biri belə deyib:
"Məncə, təkcə həmin videolar yox, ümumiyyətlə, sosial şəbəkələr uşaqların psixologiyasına mənfi təsir göstərir. Uşaqları erkən yaşlardan idmana yönləndirmək lazımdır".
