AZ
Mövzular
Digər
14.05.2025 ◦ 16:24

"Temu" kimi platformaların "hədiyyə çarxı" arxasında hansı fırıldaqlar dayanır? — ŞƏRH

"Son zamanlar internetdə "şok endirim", "hədiyyə çarxı" təklif edən platformaların sayı artıb. Bunların arxasında fırıldaq riskindən çox, riskli marketinq strategiyaları dayanır. Məsələn, 400 manatlıq alışa 400 manatlıq kupon təklif olunur. Bu kupon sadəcə məhdud sayda məhsullar üçün keçərli olur, ən vacib məhsullar istisna sayılır. İnsanlar qazancını itirməmək üçün əlavə alış edirlər. Bütün bunlar psixoloji təsir hesab olunur. "sürətli qazan, paylaş" tələsi bu platformalarda istifadə edilir".

Bu sözləri Demokrat.az-a açıqlamasında İT mütəxəssisi Natiq Məmişov deyib. 

O bildirib ki, insanlar heç bir qazancları olmasa da, inanaraq paylaşırlar:

"Nəticədə platforma bazasını genişləndirir. Şişirdilmiş məhsullar saxta qiymətlərlə təqdim edilir. Bizdə də bu cür satış edən məşhur mağazalar var. Hətta, məhsul "100 faiz endirim" kimi göstərilir, ancaq bazarda eyni məhsul daha ucuz qiymətə olur.

Onlayn platformalar ucuz qiymətə brend məhsul göstərsə də, gələn məhsul qeyri-sertifikatlı kopya olur. Geri qaytarma prosesi olduqca çətin və ya mümkünsüz olur. Bəzi analitiklər xəbərdarlıq edir ki, bu tip Çin mənşəli tətbiqlər kamera və mikrofon aktivləşdirməyə telefon icazəsi istəyə bilər. Bu icazələr yer və məlumat toplamaq riskləri daşıya bilir. "TikTok" və "Temu" üçün bu hallar iddia edilir. Şübhəli qiymətləri digər saytlarla mütləq müqayisə etmək lazımdır. İstifadə şərtlərini mütləq oxumaq lazımdır. "Amazon", "Trendyol" və.s kimi platformalarda tanınmış satıcılara üstünlük vermək, tətbiq icazələrini yoxlamaq və məhdudlaşdırmaq lazımdır".

Qeyd edək ki, son dövrlər onlayn alış platformalarında hədiyyə çarxları, kupon təklifləri artıb. 


Əfsanə Kamal
Demokrat.az
Seçilən
10
1
demokrat.az

10Mənbələr