Yadigar Sadıqlı və Elman Fəttah Müsavat Partiyasından istefa veriblər.
Onlar bu barədə sosial şəbəkə hesablarında yazıblar.
İstefalara Müsavat Partiyasından da münasibət bildirilib.
Müsavat Partiyası başqan müavini Razim Əmiraslanlı “Cebhe.info”-ya bildirib ki, Yadigar Sadıqlı sonuncu -2019-cu il qurultayından sonra ümumiyyətlə, partiya ilə əlaqəni kəsib:
“Heç bir tədbirdə iştirak etmirdi. İndi də yeni təşkilat qurublar. Müsavat Partiyasının nizamnaməsinə görə partiya üzvü heç bir siyasi təşkilatın üzvü ola bilməz”.
O qeyd edib ki, söhbət III Respublika Platformasından gedib. R.Əmiraslanlı Elman Fəttahın da həmin təşkilatda iştirak edəcəyi üçün istefa verdiyini deyib.
