“Mançester Siti” rəsmi olaraq Pep Qvardiolanın mövsümün sonunda istefa verəcəyini təsdiqləyib.
Publika.az xəbər verir ki, ispaniyalı səmimi bir müsahibədə “Siti”də çalışdığı dönəmdə hansı qərarına görə peşman olduğunu açıqlayıb.
O, 2016-cı ildə, heyətdəki yerini itirdiyi və icarəyə göndərildiyi zaman qapıçı Co Harta qarşı necə sərt davrandığını xatırlayıb.
“Etiraf etmək istəyirəm. Peşmanam. Çox qərar verəndə səhv edirsən. İllərdir dərin bir peşmançılığım var: Co Hart yaxşı qapıçı olsa da, ona dəyərini sübut etmək şansı vermədim. Bunu etməli idim.
