Azpolitika.az portalından verilən məlumata görə, ain.az xəbər yayır.
Belarus Ukraynaya qarşı müharibəyə qoşula bilər, amma yalnız bir halda - respublikaya qarşı təcavüz törədildikdə.
“AzPolitika” xəbər verir ki, bunu Belarus Prezidenti Aleksandr Lukaşenko Kiyevin Belarusun hərbi əməliyyatlarda mümkün iştirakı ilə bağlı xəbərdarlıqlarını şərh edərkən deyib. Lukaşenkonun çıxışını Belarusun “BelTA” agentliyi yayıb.
"Bu, yalnız bir halda - ərazimizə qarşı təcavüz törədildikdə olacaq və sonra... biz birlikdə Brestdən Vladivostoka qədər Vətənimizi müdafiə edəcəyik", - deyə Lukaşenko bildirib.
Belarus başçısı “təcavüz” deyərkən nəyi nəzərdə tutduğunu açıqlamayıb.
Eyni zamanda o əlavə edib ki, Minskin "müharibəyə qarışmaq niyyəti yoxdur, çünki bunun üçün nə mülki, nə də hərbi ehtiyac yoxdur".
"Biz tam hazırlıq görürük, hər ehtimala qarşı. Müharibənin başlayıb-başlamaması isə bizdən asılı deyil", - deyə Lukaşenko bildirib.
Belarus Prezidenti həmçinin ikitərəfli münasibətləri və perspektivləri müzakirə etmək üçün "Ukraynanın və ya Belarusun istənilən yerində" Ukrayna Prezidenti Volodimir Zelenski ilə görüşməyə hazır olduğunu deyib: “Əgər o (Zelenski) nəyisə müzakirə etmək, məsləhətləşmək və ya başqa bir şey etmək istəyirsə, biz buna açığıq. Mən onunla istənilən yerdə - Ukraynada və ya Belarusda görüşməyə və Belarus-Ukrayna münasibətlərinin problemlərini müzakirə etməyə hazıram. Hətta bəlkə də perspektivləri müzakirə edə bilərik. Nədənsə, amerikalılar, almanlar, polyaklar, litvalılar və latışlarla müzakirə edəcək bir şeyimiz var, amma Ukrayna ilə yoxdur”.
Bir gün əvvəl Zelenski Rusiya qoşunlarının Kiyevi ələ keçirmək cəhdini təkrarlamaq üçün Belarusdan və ya Bryansk bölgəsindən hücuma hazırlaşa biləcəyi barədə xəbərdarlıq etmişdi. Zelenski Çerniqov-Kiyev müdafiə xəttinin gücləndirildiyini elan edib və Kiyevin uzaqmənzilli zərbələrin coğrafiyasını genişləndirmək də daxil olmaqla, mümkün ssenarilərə cavab hazırladığını bildirib.
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
