ABL: “Sabah” yarımfinala qələbə ilə başladı – ARENA.AZ

Bu gün Azərbaycan Basketbol Liqasında (ABL) 2025/2026-cı illər mövsümünün yarımfinal mərhələsinə start verilib.

Arena.az xəbər verir ki, ilk oyun günündə bir qarşılaşma baş tutub.

Mərhələnin açılış oyununda “Gəncə” son çempion “Sabah”la qarşılaşıb. Bakı İdman Sarayında baş tutmuş matç “bayquşlar”ın qələbəsi ilə yekunlaşıb. “Sabah” oyundan 96:67 hesablı qələbə ilə ayrılıb.

Yarımfinal mərhələsinin digər görüşündə sabah “Abşeron Lions” və “Neftçi” komandaları münasibətlərini aydınlaşdıracaqlar.

Xatırladaq ki, ABL-in 2025/2026-cı illər mövsümünün reqlamentinə əsasən, yarımfinal mərhələsində iki qələbəyə daha tez çatan tərəf finala yüksələcək.