Bu gün İranın xarici işlər naziri Abbas Əraqçı ölkəsinin nüvə proqramı ilə bağlı məsələnin hərbi yolla həllinin mümkün olmadığını bildirib.
Redaktor.az xəbər verir ki, o bu fikirləri ABŞ-nin MSNBC telekanalına müsahibəsində səsləndirib.
Nazir qeyd edib ki, Amerikanın Yaxın Şərqdə artan hərbi iştirakı və İrana qarşı mümkün əməliyyatlarla bağlı xəbərlərin çoxalması fonunda nüvə dosyesi hərbi üsullarla bağlana bilməz. Onun sözlərinə görə, bu məsələnin yeganə həll yolu diplomatiyadır.
Əraqçi əlavə edib ki, ötən il İranın nüvə obyektlərinə qarşı həyata keçirilən böyük hücum da göstərdi ki, hərbi təzyiq problemin həlli deyil.
