Axsham.az portalından əldə olunan məlumata əsasən, ain.az xəbər verir.
Türkiyədə restoran, kafe, şirniyyat mağazası, eləcə də, digər qida və içki xidmətləri təklif edən oxşar müəssisələr xidmət haqqı, masa haqqı, örtük haqqı və ya oxşar adlarla hər hansı bir ad altında əlavə ödəniş tələb edə bilməzlər.
Axşam.az xəbər verir ki, bu qərar Türkiyə Ticarət Nazirliyi tərəfindən hazırlanmış "Qiymət etiket qaydalarında dəyişiklik edilməsinə dair Qayda"nın qüvvəyə minməsi ilə rəsmiləşib. Yeni qaydalara əsasən, Türkiyədə fəaliyyət göstərən restoranlarda servis haqqı tələb etmək rəsmi olaraq qadağan edilib.
Dəyişiklik qiymət şəffaflığının artırılmasını və istehlakçı hüquqlarının daha effektiv qorunmasını məqsəd qoyur. Qaydalara əməl etməyən müəssisələr barəsində mövcud qanunvericiliyə uyğun olaraq inzibati tədbirlər görüləcək.
Sonrakı hadisələr barədə daha çox məlumat almaq üçün ain.az saytını izləyin.
