ain.az, Turkstan.az portalına istinadən məlumatı açıqlayır.
Aylardır Venesuelanı hərbi əməliyyatla təhdid edən ABŞ Prezidenti Donald Tramp nəhayət bu təhdidini reallaşdırıb.
Turkustan.az xəbər verir ki, ABŞ ordusunun ən elit bölmələrindən biri sayılan Delta Force Venesuelanın paytaxtı Karakasa gecə saatlarında əməliyyat həyata keçirib. Şəhərdə partlayış səsləri eşidilib. Məlumata görə, Venesuela Prezidenti Nikolas Maduro və onun həyat yoldaşı əməliyyat zamanı əsir götürülüb. Onların hərbi gəmi ilə ABŞ-a aparıldığı və məhkəmə üçün Nyu-Yorka çatdırıldığı bildirilir.
ABŞ-ın Venesuelaya hücumu Donald Trampı beynəlxalq arenada çətin suallarla üz-üzə qoyub. Əməliyyatın legitimliyi ətrafında müzakirələr davam edərkən, britaniyalı jurnalist Gideon Rachman məsələyə “Rusiya faktoru”nu da daxil edib.
Rachman qeyd edib ki, Venesuelaya hücum əmri verən Trampın oxşar ssenari Rusiyanın Ukraynaya qarşı atacağı addımlar fonunda necə reaksiya verəcəyi sual doğurur. O yazıb:
“Əgər Çin Tayvan prezidentini ələ keçirmək üçün xüsusi əməliyyat başlatsa və ya Rusiya Ukrayna Prezidenti Zelenskini hədəf alsa, biz nə deyəcəyik? ‘Bunu edə bilməzsən, bu qanunsuzdur’ demək mümkündürmü?”
Aytən Yaşar/ Turkustan.az
Daha ətraflı məlumat və yeniliklər üçün ain.az saytını izləyin.
