“Gürcü Arzusu” partiyasının qurucusu, Gürcüstanın keçmiş baş nazir Bidzina İvanişvilinin sərvəti son bir ildə ciddi şəkildə azalıb.
Yeniavaz.com “Biznes Media”ya istinadən xəbər verir ki, 2024-cü ilin dekabrında İvanişvilinin sərvəti 7,6 milyard dollar olaraq göstərilirdisə, hazırda bu rəqəm 3,6 milyard dollara düşüb.
Bu isə təxminən 4 milyard dollarlıq azalma deməkdir.
Sərvətinin kəskin azalması səbəbi açıqlanmasa da, “Bloomberg”dən götürülən göstəricilər onun artıq planetin ən varlı 500 adamı siyahısında yer almadığını göstərir.
Bildirilir ki, bu il – 2025-ci ilin aprelindən bəri İvanişvilinin sərvəti 6,3 milyard dollardan aşağı düşdüyü üçün həmin siyahıya daxil olmur. Hazırda 500 ən varlı insan arasında sonuncu yeri tutan şəxsin sərvəti də məhz 6,3 milyard dollardır.
2025-ci ilin 27 dekabr tarixində ABŞ Maliyyə Nazirliyi İvanişviliyə qarşı sanksiyalar tətbiq edib. Qərara əsasən, İvanişvilinin 50%-dən çox paya sahib olduğu bütün şirkətlər də sanksiya dairəsinə düşəcək.
