Gununsesi saytından alınan məlumatlara görə, ain.az xəbər verir.
Son zamanlar ölkəmizdə və dünyada gənclər arasında tükənmişlik sindromu sürətlə yayılır. Bu, yoröunluqla yanaşı ruhun və bədənin tükənməsi, həyatdan zövq almaq qabiliyyətinin itirilməsidir. Gənclər bunu təhsil, iş və sosial həyatın ağır yükü altında əzilmək, gözləntilərin və müəyyən təzyiqlərin mövcudlğu ilə əlaqələndirirlər. Bu amillər onları sanki görünməyən bir bataqlığa çəkir.
Bəs “tükənmişlik sindromu”nun artmasının səbəbləri nədir və bunun qarşısını almaq üçün nə etmək lazımdır?
Mövzu ilə bağlı psixoloq Fərqanə Mehmanqızı Gununsesi.info -ya danışıb.
O, tükənmişlik sendromunu bir neçə amillə əlaqələndirib.
“Lakin əsas səbəb insanların, gənclərin mənəvi baxımdan ruhlarının doymamağıdır. İnsanlar hər şeyi maddiyyatla ölçürlər. Elə zənn edirlər ki, maddi təminat olduqda xoşbəxt olacaqlar, hər şey yaxşıya doğru dəyişəcək. Bu ruhsal savaş davam etdiyi müddətdə mənəvi rahatlığa önəm vermirlər.
Belə olduğu təqdirdə bu, mənəvi aqressiyaya gətirib çıxarır. Bu isə insanlarda cəmiyyət və ətrafdan enerji alıb verməməyə, gördüyü, eşitdiyi, oxuduğu şeylərdən həzz ala bilməməyə səbəb olur. Nəticədə insan zamanla bitir, tükənir. Ona görə də mənəvi cəhətdən hərşeyə görə şükranlıq hissi duymaq lazımdır. Biz sevgi ilə yaşadığımız zaman bütün düyümlər açılır və həyat eşqi yüksəlir. Belə olduğu halda tükənmişlik sindromundan əziyyət çəkmiş olmarıq”, – deyə o vurğulayıb.
Ayşən
Gununsesi.info
Daha ətraflı məlumat və yeniliklər üçün ain.az saytını izləyin.
