Ukrayna Prezident Administrasiyasının keçmiş rəhbəri Andrey Yermak dəfələrlə Donald Tramp administrasiyasını qıcıqlandırıb.
Publika.az xəbər verir ki, bu barədə “The New York Times” ABŞ hökumətindəki mənbələrə istinadla yazıb.
Mənbələrin bildirdiyinə görə, 2025-ci ilin fevralında Ukrayna və ABŞ liderləri arasında Oval kabinetdə keçirilən görüşdən sonra vəziyyət gərginləşib. Bunun ardınca ABŞ tərəfi Kiyevə özəl mesajlar göndərərək Yermakın vəzifəsindən uzaqlaşdırılmasını tövsiyə edib.
Xüsusilə, Yermakın kobud ünsiyyət tərzi və mühüm danışıqlar zamanı tərcüməçidən istifadə zərurəti Amerika rəsmilərini qıcıqlandırıb. ABŞ administrasiyasının rəsmilərinin sözlərinə görə, bu, tərəflər arasında birbaşa ünsiyyətə mane olub.
