BAKI, 29 noyabr. TELEQRAF
ABŞ hakimiyyəti Ağ Ev yaxınlığında Milli Qvardiyanın iki hərbçisinə qarşı silahlı hücumdan sonra bütün sığınacaq müraciətləri üzrə qərarların qəbulunu müvəqqəti dayandırıb.
Teleqraf xəbər verir ki, bu barədə "CBS News" telekanalı məlumat yayıb.
Bildirilir ki, bu addım administrasiyanın immiqrasiya sistemini daha da sərtləşdirmək səylərinin növbəti mərhələsidir. Daxili direktivə əsasən, ABŞ Daxili Təhlükəsizlik Nazirliyinin strukturlarından olan USCIS əməkdaşlarına sığınacaq müraciətlərinin təsdiqlənməsi, rədd edilməsi, həmçinin işlərin bağlanmasını dayandırmaq tapşırılıb.
Xatırladaq ki, daha əvvəl ABŞ Prezidenti Donald Tramp miqrantlara tam nəzarəti ölkənin milli təhlükəsizliyi üçün əsas prioritet adlandırmışdı.
