Odlar Yurdu Universitetinin 30 illik yubileyinə həsr olunmuş “FireLand Hackathon – Innovate the Future with AI” uğurla keçirilib.
QHT.az xəbər verir ki,Odlar Yurdu Universitetinin 30 illik yubileyi çərçivəsində 21–22 noyabr tarixlərində keçirilən “FireLand Hackathon – Innovate the Future with AI” ölkənin müxtəlif ali təhsil müəssisələrindən olan tələbələri bir araya gətirərək iki gün davam edən intensiv innovasiya marafonu ilə uğurla başa çatmışdır. İnnovasiya və Rəqəmsal İnkişaf Agentliyinin (IRİA) tərəfdaşlığı və Coders Azerbaijan-ın sponsorluğu ilə təşkil olunan müsabiqə gənclərin süni intellekt, innovasiya və rəqəmsal texnologiyalar üzrə biliklərini nümayiş etdirməsi üçün geniş imkan yaratmışdır.
Hakaton çərçivəsində tələbələr ideyalarını prototiplərə çevirmiş, mentor dəstəyi almış və münsiflər qarşısında final təqdimatlarını etmişlər. Yarışın sonunda qaliblər aşağıdakı kimi müəyyən olunmuşdur:
- 1-ci yer — Eniax komandası (UNEC)
- 2-ci yer — Meridian komandası (OYU)
- 3-cü yer — Yeddi komandası (ADNSU)
- Xüsusi mükafat — 4-cü yer — V komandası (OYU)
Jüri heyəti
Müsabiqə aşağıdakı ekspert münsiflər tərəfindən qiymətləndirilmişdir:
• Rasim Abdullayev – İnnovativ Biznes İnkubatorunun rəhbəri, AZMİU
• Günəl İmamquliyeva – Tələbə Elmi Cəmiyyətinin sədri, IDDA Awards; IKT-də ilin qadını 2024
• Nigar Abdullayeva – İnnovasiya Ekosistemi Departamenti, Universitetlərdə Ekosistem Quruculuğu üzrə Layihə Meneceri, IRİA
• Amil Vəliyev – Innovation and Startup Senior, Bakertilly
• Nariman Əhmədov – Lead IT Business Analyst, Kapital Bank; Instructor, Coders Azerbaijan
Mentor heyəti
Komandalar 2 gün boyunca aşağıdakı mentorlarla sıx əməkdaşlıq etmişdir:
• Seymur Javadli – Customer Journey Specialist, Coders Azerbaijan
• İlqar Musayev – Community Manager, Coders Azerbaijan
• Əli Hüseynzadə – Google Cloud Skills Specialist, Google Developer Group Baku
• Rüfət Əhmədov – Startup Founder & CEO
• Telman Ağazadə – Yeni Fikir MMC, Biznesin İnkişafı və İnnovasiyalar üzrə Direktor
Tədbirin ümumi təsviri
Hakaton müddətində komandalar:
• ideya formalaşdırılması,
• prototiplərin hazırlanması,
• pitch deck hazırlanması,
• 5 dəqiqəlik təqdimat + 2 dəqiqəlik sual-cavab mərhələsindən keçmişlər.
Qiymətləndirmə meyarları 5 əsas göstərici üzrə aparılmışdır: problemin aktuallığı, innovativlik, texniki həll, təqdimat və layihənin potensialı.
Tədbirin sonunda qalib komandalar təltif olunmuş, iştirakçılara sertifikatlar təqdim edilmişdir. Qonaqlar və tərəfdaşlar hakatonun yüksək səviyyədə təşkil olunduğunu qeyd etmiş, bu formatın davamlı olaraq həyata keçirilməsinin vacibliyini vurğulamışlar.
“FireLand Hackathon – Innovate the Future with AI” Odlar Yurdu Universitetinin 30 illik yubileyinə həsr olunmuş innovativ ekosistemin gücləndirilməsinə töhfə verən mühüm layihə kimi dəyərləndirilir.
