Xəzəryanı ölkələr - Azərbaycan, Rusiya, Qazaxıstan, İran və Türkmənistan Xəzər dənizində nərə balıqlarının kommersiya ovlanmasına qoyulan qadağanın müddətini 2026-cı ilə qədər uzadıb.
Musavat.com xəbər verir ki, Balıqçılıq üzrə Federal Agentliyin məlumatına görə, bu növlərin ovlanmasına yalnız elmi məqsədlər və süni çoxalma üçün icazə veriləcək.
Bu barədə qərar Ortaq bioresursların mühafizəsi və idarə olunması üzrə komissiyanın Türkmənistanda keçirilən 9-cu sessiyasında qəbul edilib.
Ölkələr, həmçinin, bütün Xəzər dənizi üçün vahid balıq ovu qaydalarının işlənib hazırlanması və gələn il üçün digər ortaq su bioresursları üçün ov həcminin təsdiq edilməsi barədə razılığa gəliblər.
Musavat.com
