13 illik “Real” karyerasından sonra xorvatiyalı yarımmüdafiəçi Luka Modriç İtaliyanın “Milan” klubuna keçib.
90deqiqe.Az-ın "Arena Sport"a istinadən məlumatına görə, 40 yaşlı futbolçu Seria A klubuna transferi barədə fikirlərini bölüşüb.
“Həmişə demişəm ki, ‘Real’dan sonra haraya getsəm – bu, bir addım geri olacaq. Bu, şübhəsizdir və bütün futbolçular bunu təsdiqləyə bilər. Amma mən klub seçdim ki, prestij və tarix baxımından ‘Real’a çox yaxındır. Bu, mənim üçün ən ideal situasiyadır, xüsusilə də çünki ‘Milan’ı sevirəm. Mən İtaliya futbolu ilə böyümüşəm. ‘Milan’ mənim heyran olduğum klub olub. Bu imkan yarananda dərhal anladım ki, düzgün variantdır. Şəhər möhtəşəmdir. İnsanlar məni əla qarşıladı – həm klubda, həm də onun kənarında. Komanda yoldaşları, məşqçi, azarkeşlər – hər şey yüksək səviyyədədir. Hər addımda hiss olunur ki, ‘Milan’ dünyanın ən böyük klublarından biridir. Mən həqiqətən xoşbəxtəm və bundan həzz alıram”
Hazırda “Milan” Seria A çempionatında ikinci pillədədir.
