Ürək dayanması diaqnozu ilə Təcili və təxirəsalınmaz tibbi yardım şöbəmizə hospitalizasiya olunan 43 yaşlı pasiyent həkimlərimizin peşəkarlığı və operativ müdaxiləsi sayəsində 35 dəqiqə davam edən kardio-pulmonar reanimasiya (KPR) tədbirlərindən sonra həyata qaytarılıb.Ətraflı müayinələr pasiyentin miokardın ön divarının kəskin infarktı keçirdiyini göstərib. Bu səbəbdən pasiyent dərhal angioqrafiyaya cəlb olunub və icra edilən koronar angioplastika əməliyyatı uğurla başa çatdırılıb.İntensiv terapiya, reanimasiya və Kardiologiya şöbələrində nəzarətdə saxlanılan pasiyent vəziyyəti yaxşılaşdıqdan sonra ambulator müalicə üçün evə yazılıb.
