Fransa prezidenti Emmanuel Makron Ukraynaya təhlükəsizlik təminatlarının hazırlanması üçün işçi qrupunun yaradıldığını bildirib.
Paralel.az xəbər verir ki Fransa prezidenti bu barədə Koalisiya iclasının nəticələrinə əsasən bildirib.
O qeyd edib ki, “istəkli ölkələr koalisiyası” Ukraynanın təhlükəsizlik təminatlarını işləyib hazırlamaq üçün Fransa və Britaniyanın rəhbərliyi, həmçinin Türkiyə və ABŞ-ın iştirakı ilə işçi qrupu yaradacaq.
“Biz sabahdan etibarən Fransa və Britaniyanın rəhbərlik edəcəyi, dəniz sahəsində əsas rol oynayan Türkiyə ilə sıx əməkdaşlıqda və ilk dəfə ABŞ-ın iştirakı ilə bir işçi qrupu yaratmağa qərar verdik. Yaxın günlərdə hər bir tərəfin töhfəsini daha ətraflı işləyib hazırlaya biləcəyik və bununla da təhlükəsizlik təminatlarını yekunlaşdıracağıq”, — Makron deyib.
