Son dövrlərdə Azərbaycan və Ermənistan arasında keçirilən səfərlər, tərəflər arasında münasibətlərin normallaşdırılması və sülh prosesinə töhfə verməsi baxımından diqqət mərkəzindədir. Bu səfərlər yalnız delimitasiya və nəqliyyat məsələlərini deyil, həm də humanitar sahədə xalqların bir-biri ilə əlaqəsini gücləndirir.
Politoloq Ülviyyə Zülfüqar News365.az-a açıqlamasında bildirib ki, humanitar görüşlər xalqlar arasında sülhə hazırlıq və vətəndaş şəbəkələrinin əlaqələndirilməsi baxımından vacibdir:
O vurğulayıb ki, bu görüşlər həm də humanitar sahədə xalqların bir-biri ilə əlaqəsini gücləndirir və sülhə hazırlıq baxımından vacibdir.
“Bizim gördüyümüz odur ki, bu səfərlər xalqlar arasında sülhə hazırlaşma, vətəndaş şəbəkələrinin əlaqə qurması baxımından önəmlidir. Sülh sazişinə doğru gedən yolda belə görüşlərin intensivləşməsi, xalqların bir-birinə inam mühitinin formalaşması üçün mütləqdir”, – Ülviyyə Zülfüqar bildirib.
