Futbol üzrə DÇ-2026-nın seçmə mərhələsi çərçivəsində millimiz Bakıda İslandiya ilə qarşılaşacaq.
Apasport.az xəbər verir ki, qonaqların baş məşqçisi Arnar Qunnlauqsson qarşılaşmadan əvvəl mətbuat konfransında oyunla bağlı fikirlərini bölüşüb:
"Azərbaycan millisi ilə görüş bizim üçün çox vacib oyundur. Pley-off şanslarımızı saxlamaq üçün yaxşı nəticə əldə etməliyik. İnanırıq ki, hər şey bizim üçün yaxşı olacaq".
- İlk oyundan bu yana Azərbaycan millisində hansı fərqləri görürsüz?
- Azərbaycan millisi eyni sistemdə oynayır. Amma indi daha istəkli, daha strukturlu və təşkilatlanmışdır. Müdafiədə, keçidlərdə, topa sahib olmada xeyli irəliləyiblər. Deyirlər ki, İslandiyadakı görüşdə Azərbaycan millisi pis çıxış etdi. Amma mən deyərdim ki, bizim komanda o matçda yaxşı oynadı. Sabah yeni oyunçularımız olacaq. Onlar da özlərini göstərməyə çalışacaq. Bu komanda ilə növbəti Avropa çempionatı heyətinin əsasını formalaşdırmaq istəyirik.
- Azərbaycan millisinin heyətində kimi xüsusi fərqləndirərdiniz?
- Hər millidə yaxşı futbolçular var. Xüsusi vurğulamayacam ki, kimdən daha çox ehtiyatlanıram. Rəqibin heyətində dinamik oyunçular var. Ukraynanın qapısına vurduğunuz qolu qeyd edərdim. Yeni baş məşqçinin də müəyyən təsiri hiss olunur.
- Azərbaycan yığmasına 5:0 qalib gəldiniz və Fernandu Santuşu istefaya göndərdiniz. Yeganə məşqçi Fernandu Santuşdur, yoxsa ondan qabaq da belə hal olub?
- Xeyr, ilk deyil. Keçmiş klubumda 4-5 belə təcrübəm olub. Kimsə uduzanda baş məşqçi məsuliyyət daşımalıdır. Belə olan halda da baş məşqçi qovulur.
- Azərbaycan - İslandiya matçının favoriti hansı komandadır?
- Əgər futbol piramidasına baxsaq, biz bir az yuxarıdayıq. Favorit biz sayılırıq. Futbol yeganə oyundur ki, favorit olmayan komanda da qalib gələ bilər. Biz Fransaya qarşı oynayanda onlar favorit idi. Amma şansımız var idi ki, müsbət nəticə qazanaq. Futbol elədir ki, rəqibə hörmətlə yanaşmalısan. Sabah ən yaxşı oyunumuzu göstərməliyik.
Qeyd edək ki, Azərbaycan - İslandiya görüşü noyabrın 13-də, Bakı vaxtı ilə saat 21:00-da başlayacaq.
Fransanın millimizə qarşı heyəti bəlli olub
ÇL: Həftənin oyunçusu adına namizədlər müəyyənləşib
"Qalatasaray" “Ayaks”ı darmadağın etdi, ÇL-də günün nəticələri - YENİLƏNİB
Qarnaço: “Qarabağ”la oyunda qələbəyə layiq idik”
Qurban Qurbanov: “Futbolçularım istəyirdi ki…”
