BAKI, 12 noyabr. TELEQRAF
Bu ilin yanvar–oktyabr aylarında Xəzər Dəniz Gəmiçiliyinin (ASCO) tanker və universal quru yük gəmiləri ilə ümumilikdə 4 milyon 838 min 499 ton yük daşınıb.
ASCO-dan Teleqraf-a verilən məlumata görə, daşımaların 3 milyon 714 min 677 tonu tanker gəmiləri, 1 milyon 123 min 822 tonu isə universal quru yük gəmiləri ilə həyata keçirilib.
Ötən ilin eyni dövründə bu göstəricilər müvafiq olaraq 3 milyon 410 min 939 ton və 724 min 627 ton təşkil etmişdi. Beləliklə, maye yük daşımalarında 8,9 faiz, quru yük daşımalarında isə 55,1 faiz artım qeydə alınıb.
Ümumilikdə, ASCO-nun maye və quru yük daşımalarının həcmi ötən ilin eyni dövrü ilə müqayisədə təxminən 17 faiz artıb.
