BAKI, 1 noyabr. TELEQRAF
Berlinin mərkəzində Fələstinə dəstək üçün kütləvi nümayiş keçirilir.
Teleqraf xəbər verir ki, bu barədə TASS məlumat yayıb.
Almaniya paytaxtının əsas görməli yerlərindən biri olan Brandenburq qapısı yaxınlığında toplaşan fəallar açılış mitinqindən sonra şəhərin mərkəzi küçələri ilə yürüş ediblər.
Onların əllərində Fələstin bayraqları, plakatlar və Fələstinə dəstək mesajları olan pankartlar var. "Fələstinlə həmrəylik. İsrailə silah verilmir. Fələstinin işğalını dayandırın" şüarları səsləndiriblər.
Fəallar digər məsələlərlə yanaşı, İsrailə silah tədarükünün və Qəzzada soyqırımın dayandırılmasını tələb edirlər.Nümayişdə iştirak edənlərin sayı ilə bağlı hələlik dəqiq rəqəm yoxdur, lakin bir neçə yüz nəfərin iştirak etdiyi təxmin edilir.
Nümayiş dinc şəkildə davam edir, çoxsaylı Berlin polisi iştirakçıların təhlükəsizliyini təmin edir. Şəhərin mərkəzində çoxlu sayda polis furqonları yerləşdirilib. Hələlik ciddi insident qeydə alınmayıb.
