Bakıda keçirilən "Avrasiya Gənc İş Adamları Forumu-EYBF 2025"də gənclər və idman naziri Fərid Qayıbov da iştirak edib.
Nazir Modern.az-ın Azərbaycanla Türkiyə arasında yeni anlaşmaların imzalanıb-imzanmayacağı ilə bağlı sualına cavab verib.
F.Qayıbov bildirib ki, hazırda Azərbaycan və Türkiyə Gənclər və İdman nazirlikləri arasında anlaşma mövcuddur.
“İldə 4 dəfə gənclərlə bağlı mübadilə proqramlarımız olur. Bizim gənclərimiz Türkiyəyə gedir, Türkiyədən gənclər də bizim ölkəmizə gəlirlər. Anlaşma çərçivəsində proses davam edir”,- nazir qeyd edib.
