Türkiyədə "Thoedex" kriptovalyuta birjasını quraraq, minlərlə sərmayədara qarşı dələduzluq etmək iddiası ilə saxlanılan Faruk Fatih Özer həbsxanadakı kamerasında ölü halda tapılıb.
Publika.az bu barədə "Haber Global" telekanalına istinadən xəbər verir.
Bildirilir ki, Özer hüquq-mühafizə orqanlarından uzun müddət gizlənsə də, 2022-ci il avqustun 30-da Albaniyada saxlanılaraq Türkiyəyə ekstradisiya edilib.
O, "cinayətkar təşkilat qurmaq, idarə etmək, üzv olmaq", "külli miqdarda fırıldaqçılıq" və "çirkli pulların yuyulması" maddələri ilə ittiham olunub və ona 11 min 190 il 6 ay müddətinə azadlıqdan məhrumetmə cəzası verilib.
