BAKI, 17 sentyabr. TELEQRAF
Avropa İttifaqının (Aİ) genişlənmə və Avropa qonşuluq siyasəti üzrə komissarı Marta Kos Bakıya səfər edəcək.
Teleqraf xəbər verir ki, Kosun Bakıya səfəri sentyabrın 18-də başlayacaq.
Qurumun mətbuat xidmətindən bildirilib ki, Avropa komissarı Azərbaycan Prezidenti İlham Əliyev, xarici işlər naziri Ceyhun Bayramov və iqtisadiyyat naziri Mikayıl Cabbarovla bir sıra görüşlər keçirəcək:
“Səfər Azərbaycan və Ermənistan arasında sülh prosesinin həlledici mərhələsinə təsadüf edir və Aİ-nin regionlararası əlaqələrə dair gündəliyini regional inkişafa konkret töhfə kimi təqdim etmək imkanı verəcək”.
