Azərbaycan 32 ildən sonra Bakı–Ağdam marşrutu üzrə sərnişin qatarlarının hərəkətini bərpa edib.
“Azərbaycan Dəmir Yolları” QSC-nin məlumatına görə, qatar hər şənbə Bakıdan saat 07:10-da çıxacaq və 11:53-də Ağdama çatacaq. Geri dönüş 18:20-də Ağdamdan başlayacaq, 22:55-də Bakı Dəmiryol Vağzalında yekunlaşacaq.
Sərnişinlər Bakı, Biləcəri, Ucar, Ləki, Yevlax, Bərdə, Köçərli, Təzəkənd və Ağdam stansiyalarında minik və eniş edə biləcək.
Biletlər 12–12,80 manat arasında dəyişir. Qatarlar standart, standart+, biznes və birinci sinif yerləri, həmçinin ödənişsiz Wi-Fi xidməti təklif edir.
Ağdama son sərnişin qatarı 1993-cü ildə – şəhərin işğalından əvvəl hərəkət etmişdi.
Gülnar Nazimqızı
